Sjötta Flensborgarhlaupið var haldið á þriðjudaginn og var mjög góð þátttaka. Keppt var í þremur vegalengdum, 3 km án tímatöku og 5 og 10 km hlaupi.
Alls tóku 162 þátt í 5 km hlaupinu og voru yngstu keppendurnir 9 ára og elsti keppandinn var 74 ára.
Efst í 5 km hlaupinu urðu:
Karlar
1. Arnar Petursson (25) 15,38 mín
2. Daníel Einar Hauksson (18) 17,50 mín
3. Hjörtur P. Jónsson (45) 18,32 mín
Konur
1. Helga Guðný Elíasdóttir (22) 19,13 mín
2. Ylfa Rúnarsdóttir (22) 19,50 mín
3. Andrea Marín Árnadóttir (14) 22,27 mín
Í 10 km hlaupinu hlupu 76 og var sá yngsti 13 ára og sá elsti 76 ára.
Efst í 10 km hlaupinu urðu:
Karlar
1. Sigurjón Ernir Sturluson (26) 35,36 mín
2. Ívar Trausti Jósafatsson (55) 36,59 mín
3. Brynjar Viggósson (43) 38,06 mín
Konur
1. Elísabet Margeirsdóttir (31) 43,22 mín
2. Þóra Gísladóttir (39) 45,19 mín
3. Rakel Jensdóttir (35) 45,54 mín
Keppendur komu víða að, ekki síst í 5 og 10 km hlaupinu en nemendur Flensborgarskólans voru að sjálfsögðu fjölmennir. Hlaupið er skipulagt af Flensborgarskólanum í samstarfi við Hlaupahóp FH og Skokkhóp Hauka.
Verðlaun voru veitt fyrir þrjú fyrstu sætin í kvenna- og karlaflokki og í aldursflokkunum tveimur.
Hlaupið er frá Flensborgarskóla, upp Selvogsgötu og Öldugötu inn á Kaldárselsveg og hlaupið eftir honum þar til snúið var við til að ná viðkomandi vegalengd. Hlaupið var af stað kl. 17.30 og var töluverð bílaumferð og ökumenn alls ekki alltaf tilltissamir að sögn eins keppendans.
Hins vegar voru aðstæðar hinar bestu, glæsilegt veður og Hafnarfjörður skartaði sínu fegursta.
Styrkja Kraft
Með hlaupinu var safnað fé til styrktar Krafti, stuðningsfélagi fyrir ungt fólk sem hefur greinst með krabbamein og aðstandendur. Allir sem störfuðu við hlaupið gáfu vinnu sína.
Sjá myndir frá hlaupinu hér
Sjá öll úrslit hér
