Námskeiðið Börn og umhverfi er ætlað ungmennum fædd á árinu 2006 og eldri (12 ára og eldri). Kennsla fer fram í húsnæði Rauða krossins í Hafnarfirði og Garðabæ að Strandgötu 24 og skiptist á fjögur kvöld.
Á námskeiðinu er farið í ýmsa þætti sem varða umgengni og framkomu við börn. Rætt er um árangursrík samskipti, aga, umönnun og hollar lífsvenjur, leiki og leikföng. Lögð er áhersla á umfjöllun um slysavarnir og algengar slysahættur í umhverfinu ásamt kennslu í skyndihjálp. Að auki fá þátttakendur innsýn í sögu og starf Rauða krossins.
Haldin verða fjögur námskeið í Hafnarfirði og Garðabæ og skiptist hvert námskeið á fjóra daga:
- Strandgötu 24, Hafnarfirði dagana 9., 10., 11. og 12. apríl frá kl. 17-20. skráning
- Strandgötu 24, Hafnarfirði dagana 22., 23., 24. og 25. maí frá kl. 17-20.
- Strandgötu 24, Hafnarfirði dagana 28., 29., 30. og 31. maí frá kl. 17-20.
- Garðaskóla dagana 11.,12., 13. og 14. júní frá kl. 17-20.
Námskeiðsgjald er kr. 9.900 og er ætlað börnum fæddum 2006 og eldri.
Skráning og nánari upplýsingar á raudikrossinn.is og á skyndihjalp.is.
