Einar Birkir Einarsson bæjarfulltrúi í Hafnarfirði, sem hefur flutt í Kópavog, segir í svari til Fjarðarfrétta engan vafa leika á kjörgengi sínu sem bæjarfulltrúi og muni hann gegna störfum sínum og skyldum fyrir Hafnarfjörð af kostgæfni, hér eftir sem endranær.
Fjarðarfréttir spurði hann tveggja spurninga:
- Ætlar þú að halda sæti þínu sem bæjarfulltrúi þó þú sért fluttur að Álfaheiði 13 í Kópavogi?
- Finnst þér eðlilegt að skrá lögheimili þitt í Hafnarfirði, aðeins til að halda sæti þínu?
Lýkur hann svari sínu með þessum orðum: „Meira hef ég ekki að segja um málið“.
Fjarðarfréttir hefur ítrekað síðari spurninguna og bíður eftir svari.
Einar Birkir hefur flutt lögheimili sitt á heimili ættingja að Grænukinn 1 í Hafnarfirði en býr sjálfur á Álfaheiði 13 í Kópavogi.
