Bæjarráð hafnaði á fundi sínum sl. fimmtudag að tvöfalda framlag sitt til Reykjanessfólkvangs úr 626 þúsund kr. í 1.253 þúsund kr.
Stjórn Reykjanessfólkvangs samþykkti á fundi 12. júní 2013 að stefnt skuli að hækkun fjárframlaga til Reykjanessfólkvangs. Samþykki og vilyrði lágu fyirr hjá mörgum sveitarfélögum þegar erindið var sent til Hafnarfjarðarbæjar 23. maí sl.
Framlagið nú til fólkvangsins frá sveitarfélögunum átta er aðeins 4,1 millj. kr. en stjórnin vildi hækka það í 8,2 millj. kr.
Bæjarrráð samþykkti að ekki væri unnt að verða við erindinu á þessu fjárhagsári þar sem ekki er gert ráð fyrir hækkun á fjárhagsárinu, en vísaði erindinu að öðru leyti til fjárhagsáætlunargerðar 2017.
