Hafnarfjarðarmótið í handbolta karla hófst í dag með leik Hauka gegn Val þar sem Haukar höfðu betur í miklum markaleik.
Fyrri hálfleikurinn var nokkuð jafn og skiptust liðin á að hafa forystu. Valsmenn misstu Ýmir Örn af velli með rautt spjald um miðjan hálfleikinn og Haukar fóru með eins marks forskot í búningsklefann, 16-15.
Haukar skoruðu fyrstu 3 mörk seinni hálfleiks. Valsmenn náðu síðan tökum á leiknum og komust yfir í stöðunni 21-20. Haukar náðu síðan aftur yfirhöndinni í leiknum þar sem þeir komust yfir í stöðunni 25-24 og bættu síðan við forskotið í framhaldinu og náðu mest 5 marka forystu, 32-27. Leiknum lauk síðan með fjögurra marka sigri Hauka, 35-31.
Mörk Hauka:
- Atli Már Báruson: 9
- Heimir Óli Heimisson: 7
- Daníel Þór Ingason: 5
- Ásgeir Örn Hallgrímsson: 4
- Adam Haukur Baumruk: 4
- Halldór Ingi Jónasson: 3
- Einar Pétur Pétursson: 3
Mörk vals
- Agnar Smári Jónsson: 7
- Magnús Óli Magnússon: 6
- Róbert Aron Hostert: 5
- Úlfar Þórðarson: 5
- Sveinn Aron Sveinsson: 4
- Anton Rúnarsson: 1
- Ýmir Örn Gíslason: 1
- Alexander Örn Júlússon: 1
- Daníel Freyr Andrésson: 1
