Þrír SH-ingar náðu lágmörkum fyrir heimsmeistaramótið í sundi í Kína

Anton Sveinn Mckee, Dadó Fenrir Jasminuson og Ingibjörg Kristín Jónsdóttir úr SH náðu öll þátttökurétti á HM eftir að hafa náð lágmörkum á Íslands­meistara­mótinu í 25 metra laug sem haldin var í Ásvallalaug um helg­ina.

Stóðu SH-ingar sig gríðarlega vel og settu eða jöfnuðu 16 Íslandsmet! Voru 40 keppendur af 171 frá SH og kepptu þeir í samtals 175 greinum.

Alls fékk SH 21 gull, 11 hjá konum og 10 hjá körlum, 16 silfur, 7 hjá konum og 9 hjá körlum og 14 brons, 4 hjá konum og 9 hjá körlum.

Þrjú gull og jöfnun á Íslandsmeti hjá Dadó

Dadó Fenrir jafnaði 9 ára gamalt Íslands­met í 50 metra skriðsundi á 22,29 sekúndum en lágmarkið á HM er 22,47 sekúndur.

Hann sigraði einnig í 100 m skrið­sundi á 45,59 sekúndum og í 100 m flugsundi á 55,07 sekúndum.

Íslandsmet hjá Antoni Sveini McKee

Anton Sveinn synti á 59,70 sekúndum í 100 metra bringusundi, 51/100 úr sekúndu undir HM lágmarkinu. Anton á Íslandsmetið í greininni á 58,66 sekúndum frá því í Berlín í fyrra.
Anton Sveinn bætti svo 9 ára gamalt Íslandsmet Jakobs Jóhanns Sveinssonar í 200 m bringusundi er hann synti á 2,07.04 mínútum sem er undir HM lágmarkinu. Bætti hann Íslandsmetið um 71/100 úr sekúndu.

Ingibjög var hætt en náði lágmarki á HM

Þá náði Ingi­björg Krist­ín Jóns­dótt­ir úr SH lág­marki í 50 metra baksundi, en tími henn­ar var 27,95 sek­únd­ur. Hún var 1/​100 úr sek­úndu und­ir lág­mark­inu fyr­ir HM, en hún er fyrsta ís­lenska kon­an sem nær lág­marki á HM í ár.

Ingibjörg sigraði einnig í 50 m skriðsundi þar sem hún bætti sinn besta tíma og í 50 m flugsundi.

Ingibjörg hætti æfingum og keppni í byrjun árs en eftir hvatningu frá félögum í SH tók hún ákvörðun, 11 dög­um fyrir mót að keppa. Hún hafði lítið synt en var þó í mjög góðri líkam­legri þjálfun.

Árangur SH-inganna

Ummæli

Ummæli