Þeir vöktu athygli einstaklingarnir sem voru að hreinsa Lækinn í dag. Stóðu þeir úti í læk með hrífur og poka, söfnuðu saman drasli og slýi og báru á land.
Ekki svöruðu þeir fyrirspurnum á íslensku en þetta voru þrír af tíu manna hópi erlendra sjálfboðaliða sem voru hér á vegum Veraldarvina, samtaka sem hafa það að markmiði að auka meðvitund um umhverfismál og samskipti fólks á alþjóðavísu með heilbrigðum lífsháttum. Skipuleggja samtökin komu sjálfboðaliða til landsins og einnig för íslenskra sjálfboðaliða til útlanda.
Sjálfboðaliðarnir sem hér dvelja eru 20-30 ára.
