Mikill viðbúnaður var hjá lögreglu og slökkviliði er harður árekstur varð á Reykjanesbraut á móts við iðnaðarsvæðið í Hellnahrauni á fimmta tímanum í dag.
Svo virðist sem bíll sem var á suðurleið hafi lent á vinstri hlið bíls sem snúið var við á götunni. Tíu manns voru fluttir á slysadeild og er einn þeirra alvarlega slasaður. Þrír eru sagðir með töluverða áverka en hinir með minniháttar meiðsli.
![](https://www.fjardarfrettir.is/wp-content/uploads/2019/11/Reykjanesbraut-bílslys_13-1024x282.jpg)
Áreksturinn var harður og valt bíllinn sem ekið var á.
Töluverðar umferðartafir urðu við slysið sem var þegar umferðin er hvað mest á Reykjanesbrautinni. Þó var hægt að hleypa bílum framhjá en litlir möguleikar eru á hjáleiðum þarna.
![](https://www.fjardarfrettir.is/wp-content/uploads/2019/11/Reykjanesbraut-bílslys_15-1024x315.jpg)