Skóla- og frístundastarf Hafnarfjarðarbæjar mun raskast frá og með kl. 14 í dag, þriðjudaginn 10. desember vegna óveðurs sem spáð er að gangi yfir höfuðborgarsvæðið.
Foreldrar og forráðamenn barna eru beðnir um að sækja börn sín í síðasta lagi kl. 14 til að tryggt sé að allir, börn, foreldar og starfsfólk geti náð heim til sín áður en veðrið skellur á.
Gert er ráð fyrir að allt það starf sem á sér stað eftir klukkan 14 í dag falli niður. Nær þetta til sundlauga Hafnarfjarðar, frístundaheimila, hæfingarstöðvar, ungmennahúss, Byggðasafns, Bókasafns Hafnarfjarðar og Hafnarborgar. Frístundabíll mun ekki ganga í dag.
