Hafnfirðingurinn og FH-ingurinn Aron Pálmarsson var í lykilhlutverki í leik Íslands gegn heims- og Ólympíumeisturum Dana á Evrópumótinu í handbolta í dag. Hann skoraði 10 glæsileg mörk og þar af 7 í fyrri hálfleik auk þess að gefa 9 stoðsendingar, hverja aðra glæsilegri.
Leikurinn var gríðarlega spennandi allan tímann og skiptust liðin á að vera í forystu. Ísland náði mest 3ja marka forystu þegar nokkrar mínútur voru eftir en á síðustu mínútu áttu Danir möguleika á að jafna en náðu ekki að skjóta en fengu aukakast. Besti maður Dana, Mikkel Hansen skaut yfir varnarvegg Íslendinga en Björgvin Páll Gústafsson varði og Ísland sigraði 31-30 en jafnt var í hálfleik 15-15.
Danskir miðlar eru miður sín yfir tapinu en skrifa vel um leik íslenska liðsins og ekki síst leik Arons Pálmasonar
Í leikslok var Aron valinn maður leiksins og kom valið á honum líklega fæstum á óvart.
