Hlauparöð FH og Bose samanstendur af þremur hlaupum síðasta fimmtudag í janúar, febrúar og mars. Þetta er árlegur viðburður og eru hlaupin gríðarlega vinsæl en þegar hafa hátt í 400 manns skráð sig í fyrsta hlaupið sem verður kl. 19 á fimmtudaginn.
Hlaupahópur FH, sem er hluti af frjálsíþróttadeild FH, stendur fyrir hlaupinu en hópurinn fagnaði nýlega 10 ára afmæli sínu. Vel er staðið að
![](https://www.fjardarfrettir.is/wp-content/uploads/2020/01/FH-Bose-hlaup-1-12-1024x503.jpg)
hlaupinu, brautarvarsla er góð, hraðastjórar eru til að aðstoða fólk við að halda ákveðnum hraða og stemmning mikil á brautinni, tónlist í marki auk þess sem hlaupaleiðin er mjög skemmtileg.
Hlaupið er frá upphafspunkti gegnt íþróttahúsinu á Strandgötu, eftir Strandstígnum meðfram strandlengju Hafnarfjarðar til norðurs, áfram Herjólfsbraut, beygt til vinstri inn Hraunvang og Naustahleinin hlaupin og aftur inn á Herjólfsbraut og til baka sömu leið. Hlaupaleiðin um Naustahlein er nýjung og því hlaupið styttra inn Herjólfsbrautina. Þá er hlaupið að hluta á götunni frá Hraunvangi og niður að sjó og eru ökumenn beðnir að taka tillit til hlauparanna en gæsla verður á leiðinni.
Leiðin er nokkuð flöt og ákjósanleg til að bæta tíma sinn þó alltaf megi búast við vetrarveðri og erfiðri færð á þessum árstíma.
Hægt er að skrá sig hér og sjá hverjir eru skráðir:
http://bit.ly/hlaupaseria_FH_og_BOSE