Nú er nægur snjór í Bláfjöllum og færið var mjög gott í dag. Nokkuð fjölmennt var í fjallinu í dag, ekki síst ef marka mátti fjölda bíla á bílastæðum en greinilega gátu fleiri verið í fjallinu.
![](https://www.fjardarfrettir.is/wp-content/uploads/2020/01/PSX_20200129_213020-1024x768.jpg)
Gönguskíðafólk var sérstaklega ánægt með aðstæðurnar í dag, lengri brautir voru lagðar en oft áður og voru brautirnar mjög góðar og héldust svo þrátt fyrir töluverða notkun. Þeir sem mættu snemma í fjallið nutu fegurðinnar þegar sólin settist en hinir sem komu seinna fengu að njóta stjörnuhiminsins, ekki síst gönguskíðafólk sem gekk inn á heiðina í myrkrinu.
![](https://www.fjardarfrettir.is/wp-content/uploads/2020/01/PSX_20200129_215352-1024x687.jpg)
Guðrún Þórhalla Helgadóttir var ein þeirra sem steig á gönguskíði í dag og sagði hún aðstæðurnar hreint frábærar!
Bláfjallavegurinn í Hafnarfjörð var vel fær fólksbílum þó lítið þurfi til að gera hann þungfæran en fyrír íbúa í Setbergi sparast 8 km samtals ef hann er farinn í stað þess að fara um Suðurlandsveg. Er styttingin enn meiri fyrir Vallabúa. Dapurlegt að bæjaryfirvöld hafi engan áhuga sýnt á að vegurinn verði bættur og þjónusta á honum en þess í stað ákveðið að loka hinum þó heimilt verði að fara að Leiðarenda. Borið er við vatnsvernd en skiptar skoðanir hvort hún þurfi að kalla á svona aðgerðir.
![](https://www.fjardarfrettir.is/wp-content/uploads/2020/01/PSX_20200129_212600-1024x682.jpg)
Stjörnuhiminninn var fallegur frá Bláfjallaveginum og ljósin í Bláfjöllum eins og bjarmi af eldgosi.
Hér má sjá nokkrar myndir sem ljósmyndari Fjarðarfrétta tók í kvöld.
![](https://www.fjardarfrettir.is/wp-content/uploads/2020/01/PSX_20200129_215812-1-1024x568.jpg)
![](https://www.fjardarfrettir.is/wp-content/uploads/2020/01/PSX_20200129_215707-1024x562.jpg)
![](https://www.fjardarfrettir.is/wp-content/uploads/2020/01/PSX_20200129_215603-1024x628.jpg)
![](https://www.fjardarfrettir.is/wp-content/uploads/2020/01/PSX_20200129_215244-1024x568.jpg)
![](https://www.fjardarfrettir.is/wp-content/uploads/2020/01/PSX_20200129_212917-1024x682.jpg)
![](https://www.fjardarfrettir.is/wp-content/uploads/2020/01/PSX_20200129_215020-1024x512.jpg)
![](https://www.fjardarfrettir.is/wp-content/uploads/2020/01/PSX_20200129_214919-768x1024.jpg)
![](https://www.fjardarfrettir.is/wp-content/uploads/2020/01/PSX_20200129_212733-1024x682.jpg)