Gefðu skóladótinu framhaldslíf er yfirskrift söfnunar sem Foreldraráð Hafnarfjarðar stendur fyrir. Hvetur félagið þá sem vilja gefa og endurnýta skólavörur og/eða velja sér notað, að koma á 2. hæð í verslunarmiðstöðinni Firði þar sem skólavörunum verður safnað saman.
Liggja verðmæti á lausu sem ég og þú getum notað áfram
Leynist skólataska sem dreymir um að komast til nýrra eiganda? Er talnagrindin verkefnalaus? Liggja ónotaðar möppur í hillunni eða pennaveski sem enginn er að nota?
Nytjamarkaðurinn er öllum ókeypis og er opinn á opnunartíma Fjarðar 13.-26. ágúst.
