Mikill viðbúnaður var hjá lögreglu og sjúkraliði þegar árekstur varð á Reykjanesbraut skammt vestan við Straumsvík rétt upp úr klukkan hálf átta í morgun.
Var öll umferð um brautina lokuð og búist við að hún verði lokuð eitthvað áfram.
![](https://www.fjardarfrettir.is/wp-content/uploads/2020/03/Reykjanesbraut-árekstur-02-1024x524.jpg)
Tveir fólksbílar lentu utan vegar og er a.m.k. annar þeirra mikið skemmdur en fjórir bílar lentu í árekstrinum, tveir sendibílar að auki ef marka má aðstæður á slysstað.
Ekki er vitað um slys á fólki en farið var með fjóra með sjúkrabíl á sjúkrahús.
Lögreglan lokaði veginum til vesturs við álverið í Straumsvík og þar fór einn bíll útaf sem virðist hafa komið of hratt og sveigt útaf áður en hann hefði skollið á kyrrstæðri bifreið.
![](https://www.fjardarfrettir.is/wp-content/uploads/2020/03/Reykjanesbraut-árekstur-11-1024x518.jpg)
Hálka hefur verið á Reykjanesbrautinni um tíma ef marka má bílinn á myndinni hér að neðan sem er í brekkunni við Mosahlíðina. Ekki var þó mikil hálka við Straumsvík um áttaleytið í morgun.
![](https://www.fjardarfrettir.is/wp-content/uploads/2020/03/Reykjanesbraut-bill-1024x662.jpg)
Uppfært kl. 9.30
Búið er að opna fyrir umferð