Slökkvilið berst nú við mikinn sinueld á Grísanesi og leggur mikinn reyk yfir hluta Valla. Á svæðinu er mikil lúpína sem logar glatt í og sterkur vindur magnar upp eldinn sem er ofarlega á nesinu ofan Ásvallalaugar.
Tveir slökkvibílar, tankbíll og sjúkrabíll eru við nesið en erfitt er að komast að þurfti slökkvilið að fara eftir gönguslóðum á bílunum. Erfitt er hins vegar að koma vatni að eldinum og er notast við þar til gerðar málmklöppur til að slökkva eldinn.
Fólk er hvatt til að loka gluggum á Völlum og kynda vel til að halda uppi yfirþrýstingi í íbúðum.
