Guðrún Brá Björgvinsdóttir úr Keili og Bjarki Pétursson, GKG fögnuðu sigri á Íslandsmótinu í golfi 2020.
Mótið var haldið á Hlíðavelli hjá Golfklúbbi Mosfellsbæjar. Lokadagurinn var æsispennandi. Bjarki Pétursson sigraði á nýju mótsmeti, en hann lék hringina fjóra á -13 samtals og bætti mótsmetið um eitt högg. Þetta er fyrsta sinn sem Bjarki sigrar á Íslandsmótinu í golfi.
![Guðrún Brá Björgvinsdóttir](https://www.fjardarfrettir.is/wp-content/uploads/2020/01/PSX_20200128_195231-1-242x300.jpg)
Guðrún Brá og Ragnhildur Kristinsdóttir, GR, voru jafnar eftir 72 holur og úrslitin réðust í þriggja holu umspili. Mikil spenna var á lokakaflanum í kvennaflokknum þar sem að Guðrún Brá jafnaði við Ragnhildi á 72. holu. Þetta er í þriðja sinn sem Guðrún Brá sigrar á Íslandsmótinu í golfi og þriðja árið í röð sem hún sigrar.