Brot 53 ökumanna voru mynduð á Vesturgötu sl. mánudag. Fylgst var með ökutækjum sem var ekið Vesturgötu í suðurátt, á móts við Vesturgötu 32, Bungalowið.
Á einni klukkustund, eftir hádegi, fóru 158 ökutæki þessa akstursleið og því ók um þriðjungur ökumanna, eða 34%, of hratt eða yfir afskiptahraða.
Meðalhraði hinna brotlegu var 44 km/klst en þarna er 30 km hámarkshraði. Sá sem hraðast ók mældist á 51 km hraða. Ökumaðurinn ók því á 70% yfir hámarkshraða sem jafngildir því að hafa verið á rúmlega 150 km hraða á 90 km vegi.
Éljagangur var á meðan hraðamælingunni stóð.
