Töluverður erill var hjá lögreglunni í dag og bárust henni margar tilkynningar um hugsanleg brot á sóttvörnum, víðsvegar um höfuðborgarsvæðið.
Á fjórða tímanum í dag var ökumaður bifreiðar stöðvaður í Hafnarfirði en hann var grunaður um akstur undir áhrifum vímuefna. Ökumaðurinn kvaðst vera smitaður af Covid-19 og hlýddi ekki fyrirmælum lögreglu.
Veittist hann að lögreglu og þurfti hún að sprauta á hann piparúða til að yfirbuga hann.
