Letursteinn er við rústir bæjarins Áss, við Ástjörn, við aðra steinbrúna, sem hlaðin var 1997.
Steinninn er við fyrrum brunninn í bæjarlæknum skammt sunnan við bæjarstæðið.
Á letursteininn eru höggnar tvær myndir af ásum og sveigður kross ofar. Á tvær hliðar hans er höggvið rúnaletur, óskiljanlengt, að mati Ómars Smára Ármannssonar, fornleifafræðings og áhugamanns um Reykjanessakagann.
Í grein á ferlir.is er haft eftir Guðjóni Kristinssyni, sem hlóð brýrnar, að hann muni eftir andlitunum á steininum en ekki eftir rúnaletrinu en sagðist þó þurfa að líta betur á steininn.
Hefur fólki fundist svipur með andlitunum og steinmyndum við Fjörukrána sem Haukur Halldórsson og félagar hafa gert en hann kannast ekki við steininn við Ás.
Upplýsinga leitað
Ómar Smári kallar eftir upplýsingum um steininn og segir allar ábendingar um tilurð hans og eða sögu vera vel þegnar en senda má upplýsingar á ferlir@ferlir.is
Ljósmyndir: Ómar Smári Ármannsson.
