Hafnfirski sundkappinn Róbert Ísak Jónsson náði silfurverðlaunum í 100 m flugsundi á EM fatlaðra í sundi í Madeira í Portúgal nú fyrir stuttu og var hársbreidd frá sigri.
Keppti hann í undanúrslitum í morgun og synti á 59,49 sek en nú gerði hann enn betur og synti á 58,68 sek. sem dugði honum til silfurverðlauna.
Hinn rússneski Mikhail Kuliain var aðeins 6 hundraðshlutum á undan honum og hreppti gull þó hinn argentíski Lautaro Daniel yrði á undan þeim á 58,32 sek og hinn brasilíski Gabriel Bandeira sem kom fyrstur í mark á 54,99 sek. Þessir tveir voru gestir á mótinu enda ekki Evrópubúar og gátu því ekki keppt til verðlauna.
Gull: Mikhail Kuliabin, Rússland, 58,62 sek.
Silfur: Róbert Ísak Jónsson, Ísland 58,68
Brons: Vasyl Krainyk, Úkraínu, 59,66
