Um síðustu helgi var opnuð sýningin „Heima er þar sem hjartað slær“ í aðalsal Bókasafns Hafnarfjarðar.
Sýningin er unnið í samvinnu við Hafnarfjarðarbæ og snýr að upplifunum kvenna á hugmyndinni um heimili, þvert á þjóðerni.
Tólf konur, undir handleiðslu listakvennanna Önnu Maríu Cornette og Gillian Pokalo, hafa hannað klukkur sem eru gerðar með blöndu af silkiprenti, akrýl og pennum á krossvið. Verkin ásamt hugleiðingum um myndval skrýða nú glugga bókasafnsins. Ásamt þessum verkum eru einnig klukkur sem gerðar voru í Bandaríknunum og Rekjanesbæ þegar vinnustofunar voru fyrst haldnar í samvinnu við Heimskonur í Reykjanesbæ.
Allar eiga þær konur sem taka þátt sameiginlegt að hafa verið á faraldsfæti og haldið heimili í fleiri en einu landi og snýr sýningin að hugmyndinni um tíma, rúm og hvað það er að vera heima.
Sýningin stendur til 3. september n.k.
