Dansiðkendur í samkvæmisdönsum Dansíþróttafélags Hafnarfjarðar hafa æft dans af fullum krafti í allt sumar.
Í byrjun ágúst fóru þau Helgi Daníel Hannesson 11 ára og Magdalena Andradóttir 9 ára til Blackpool í keppni í samkvæmisdönsum og náðu þau mjög góðum árangri. Þau kepptu í heila viku og fóru alla leið í undanúrslit og náðu 8. sæti í jive keppninni.
Nú stendur yfir innritun í alla flokka hjá DÍH og hefst kennsla laugardaginn 4. september.
Kennslustaðir DÍH eru Bjarkarhúsið Haukahrauni og íþróttahús Setbergsskóla. Keppnisflokkur hefur einnig æfingaaðstöðu í Kaplakrika í stórum glæsilegum sal þar sem frábært er að æfa ballroom dansa.
Nánar má sjá um starfsemina á www.dih.is
