Verslunarmiðstöðin Fjörður fagnar 27 ára afmæli í dag og býður gesti velkomna í heimsókn. Fólk er hvatt til að virða sóttvarnarreglur.
![](https://www.fjardarfrettir.is/wp-content/uploads/2021/11/88400031-copy-1024x679.jpg)
Afmælistilboð, vörukynningar og skemmtun
Afmælistilboð verða í verslunum og vel tekið á móti gestum.
Ýmis fyrirtæki verða með vörukynningar á göngum Fjarðar. MS, Nói Síríus, Osta- og smjörsalan og fleiri bjóða upp á smakk kl. 17-20. Bylgjan verður í beinni, Blöðrumaðurinn verður á staðnum, Hvítvínskonan skemmtir og boðið verður upp á léttar veitingar
![](https://www.fjardarfrettir.is/wp-content/uploads/2021/11/Elin-hall-1-copy-260x300.jpg)
Elín Hall kemur fólki í jólagírinn með hugljúfum tónum og notalegri stemmingu og danshópurinn Dass sýnir kl. 18.30.
Starfsfólk verslana og þjónustufyrirtækja verður í jólaskapi og tekur vel á móti viðskiptavinum.
![](https://www.fjardarfrettir.is/wp-content/uploads/2021/11/88390032-copy-1024x679.jpg)
Sunnudagsopið í desember
Fjörður lengir opnunartímann í desember og opið verður laugardaga kl. 11-17 og alla sunnudaga til jóla verður opið kl. 13-16. Veitingastaðirnir eru opnir lengur.
Kíktu í miðbæinn
Kíktu í miðbæinn, njóttu hátíðar í Firði, heimsóttu Jólaþorpið og njóttu helgarinnar í upphafi jólaundirbúnings.