Ljósin á jólatrénu á Thorsplani, sem er gjöf frá vinabænum Cuxhaven, voru tendruð í dag. Fjarðarfréttir fékk engar upplýsingar um tímasetningu á því og fulltrúar Hafnarfjarðarbæjar hafa ekki svarað fyrirspurnum Fjarðarfrétta svo undarlegt sem það er.
Jólaþorpið opnað í dag
Jólaþorpið í Hafnarfirði verður opnað kl. 17 og veður opið til kl. 20.
Í tilkynningu frá Hafnarfjarðarbæ segir að færri hafi komust að en vildu í jólahúsunum í Jólaþorpinu í ár en húsunum hefur ekki verið fjölgað frá því Jólaþorpið var fyrst opnað.
Jólasveinarnir koma í heimsókn í Jólaþorpið á laugardögum og Grýla verður á vappi um miðbæinn á sunnudögum.
Öðruvísi jóladagskrá vegna Covid
Óvæntar uppákomur og öðruvísi jóladagskrá verður undirtónn hátíðarhaldanna í Hafnarfirði þetta árið líkt og á síðasta ári vegna sóttvarnarreglna. Áhersla er lögð á jólabæinn Hafnarfjörð og á ljósadýrð og skreytingar og að tryggja að allir geti notið aðventunnar af öryggi og án hópamyndanna.
