FH-ingar urðu Íslandsmeistarar félagsliða á Meistaramóti Íslands í frjálsum íþróttum sem haldið var um helgina. Félagið sigraði einnig í keppni í karla- og kvennaflokki.
Hlaut FH 69 stig, fengu 12 gull, 11 silfur og 9 brons.
ÍR-ingar urðu í 2. sæti með 37 stig, fengu 8 gull, 4 silfur og 5 brons.
Breiðablik varð svo í því þriðja með 20 stig, 3 gull, 3 silfur og 4 gull.
Gullverðlaunahafar FH
Ísold Sævarsdóttir sigraði í 400 m hlaupi og setti aldursflokkamet í 60 m grindahlaupi í flokki 15 ára og yngri er hún hljóp á 9,13 sekúndum.
Aníta Hinriksdóttir sigraði í 800 m og 1500 m hlaupi.
Íris Anna Skúladóttir sigraði í 3.000 m hlaupi.
Irma Gunnarsdóttir sigraði í kúluvarpi.
María Rán Gunnlaugsdóttir sigraði í 60 m grindahlaupi og hástökki.
Svanhvít Ásta Jónsdóttir sigraði í þrístökki.
Daníel Ingi Egilsson sigraði í langstökki og þrístökki.
Kolbeinn Höður Gunnarsson sigraði í 60 m og 200 m hlaupi.
Heildarúrslit mótsins má finna hér.
Ljósmyndir: FRÍ
