Ágústa Eva Erlendsdóttir, í hlutverki Línu langsokks, var í aðalhlutverki í fjölskylduguðsþjónustu í Víðistaðakirkju í morgun. Ágústa Eva, sem gekk í Víðistaðaskóla heillaði börn og fullorðna upp úr skónum í hlutverki Línu.
Sýndi hún krafta sína og fór létt með að halda á fullvöxnum karlmönnum og var presturinn þar engin undantekning. Lína sýndi ýmsa hæfileika sína spilaði m.a. á orgel kirkjunnar og sýndi glæfraatriði eins og að klifra upp á handriðið á svölunum og fór þá um kirkjugesti sem voru fjölmargir í dag.
Sjá nánar á samskiptasíðu Víðistaðakirkju
