Á sunndudaginn verður gengið til messu í Garðakirkju. Mun Egill Friðleifsson leiða gönguna og eflaust segja frá ýmsu fróðlegu á leiðinni en Hafnfirðingar gengu til kirkju í Garðakirkju sem var þjóðkirkja Hafnfirðinga til 1914 er Hafnarfjarðarkirkja var tekin í notkun. Var þá farinn Kirkjuvegur og Garðavegur.
Þau sem ganga mæta kl. 10 við Hafnarfjarðarkirkju en messann hefst svo kl. 11 í Garðakirkju.
Sr. Jónína Ólafsdóttir þjónar og Ástvaldur Traustason leikur á orgel og leiðir fjöldasöng með harmónikkuundirleik á eftir.
Messan er hluti af samstarfsverkefni kirknanna á Álftanesi, í Garðabæ og Hafnarfirði, undir heitinu Sumarmessur í Garðakirkju.
