Lionsklúbbur Hafnarfjarðar hefur styrkt sjúkraþjálfunina á Hrafnistu Hraunvangi með nýjum æfingatækjum og fleiru í mörg ár og eru flest tækin í tækjasalnum gjafir frá þeim.
Í byrjun júlí komur Lionsfélagarnir í heimsókn, færandi hendi og gáfu sjúkraþjálfuninni rafknúið handa- og fótahjól sem er mjög góð viðbót við hjólin og æfingatækin sem eru þar.
Það var Íris Huld Hákonardóttir, deildarstjóri sjúkraþjálfunar Hrafnistu, sem tók á móti gjöfinni.
