Hinn langi frostakafli hefur gert það að verkum að Hafnarfjarðarhöfn hefur lagt en það er afar sjaldgæft að hana leggi út að hafnargörðum og hefur líklega ekki gert síðan hafnargarðarnir voru byggðir.
Í fallegu veðri hafa húsin speglast í ísnum og höfnin orðið vinsælt myndefni.
En frostið hefur haft ýmsar verri afleiðingar því vatnsleiðslur hafa frosið og jafnvel hefur frosið í skolplögnum við nýlegt atvinnuhúsnæði.
Heimtaugin að skátaskálanum Skátalundi við Hvaleyrarvatn er frosin en hún liggur undir Hvaleyrarvatni sem er botnfrosið. Því hafa nýju salernin ekki verið opin að undaförnu og óvíst hvenær þiðni nægilega.
