Samkvæmt rannsókn tæknideildar lögreglu bendir allt til þess að brunann í Drafnarslippnum í Hafnarfirði sl. sunnudag megi rekja til opins elds.
Í tilkyningu frá lögreglu segir að ekki sé hægt að fullyrða hvort íkveikju eða óviljaverki sé um að kenna.
Lögreglan hefur rætt við allmarga í tengslum við málið, en það hefur ekki orðið til þess að upplýsa um brunann. Í þeim hópi eru fjögur ungmenni sem lýst var eftir, en lögreglan vill taka það sérstaklega fram að þau eru á engan hátt talin tengjast brunanum.
