Tónlistarhópurinn Tangó tríó heldur tónleika á Bókasafni Hafnarfjarðar á föstudag, 7. júlí kl. 12.
Hópurinn samanstendur af þremur ungum fiðluleikurum, þeim Helgu Diljá, Margréti Láru og Tómasi Vigur.
Tangó Tríó stendur fyrir tónleikaröðinni Hádegistangó í Hafnarhúsi í sumar í samstarfi við Listasafn Reykjavíkur en með tónleikaröðinni er ætlunin að kynna sígilda tangótónlist og dans fyrir íslenskum almenningi með tónleikum og uppákomum þar sem bæði verður hægt að hlusta og dansa.
Öllum er velkomið að standa upp og tjútta með á tónleikum Tangó tríósins á Bókasafninu.
Frítt er inn á tónleikana og allir velkomnir.
