Knattspyrnudeild Hauka hafa skrifað undir hefur skrifað undir þriggja ára samning við Ian Jeffs um þjálfun meistaraflokks karla.
Í tilkynningu frá Haukum segir að Jeffsy, eins og hann er kallaður, muni halda áfram uppbyggingu á meistaraflokki karla með það að markmiði að fara með liðið upp í Lengjudeildina.
Jeffsy þjálfaði síðast karlalið Þróttar frá Reykjavík með góðum árangri. Hann hefur t.d. þjálfað meistaraflokka karla og kvenna hjá ÍBV og verið aðstoðarþjálfari íslenska kvennalandsliðsins. Einnig hefur hann spilað yfir 270 meistaraflokksleiki frá því að hann kom til Íslands frá Englandi.
Haukar leika nú í 2. deild en ofar er Lengjudeildin og svo Besta deildin.
