Síðasta helgi aðventunnar er að renna upp og mun miðbær Hafnarfjörðar skína skært um helgina sem jafnframt er síðasta opnunarhelgi Jólaþorpsins í Hafnarfirði.
Þúsundir gesta hafa sótt jólabæinn og Jólaþorpið heim síðustu vikur og notið þess að upplifa einstaka og hlýlega stemningu í hjarta Hafnarfjarðar. Nú eru að verða síðustu forvöð til að njóta þetta árið.
Hafnfirskar hefðir í bland við nýtt og öðruvísi
Þessi fjórða helgi aðventunnar verður fjölbreytt og viðburðarík. Hellisgerði er opið allan sólarhringinn til upplifa og njóta fram á nýja árið.
Jólaþorpið er opið á morgun, Þorláksmessu, kl. 13-21. Skjóða og Langleggur standa fyrir jólaballi á Thorsplani kl. 15 og stýra þar söng og dansi. Jólasveinar og Grýla verða einnig á ferð og talið afar líklegt að glaðbeitt börnin fá smá glaðning.
Hefð hefur skapast fyrir jólagöngu á Þorláksmessu sem endar með ljúfum söng þeirra Diljár og Sigurðar Guðmundssona í Jólaþorpinu. Upphafsstaður jólagöngunnar hefur verið breytilegur hin síðustu ár og verður nú í ár gengið frá Fornubúðum þar sem verslanir og veitingaaðilar verða með opið fyrir áhugasama í notalegri jólastemningu við smábátahöfnina. Kammerkór Hafnarfjarðar leiðir gönguna með fallegum söng og Björgunarsveit Hafnarfjarðar selur kyndla við Íshús Hafnarfjarðar fyrir göngu. Söluaðilar í Jólaþorpinu munu taka vel á móti gestum og gangandi alla helgina og alltaf eitthvað um að vera í gróðurhúsunum.
