Félagar úr hafnfirska Bogfimifélaginu Hróa Hetti sýndu flotta frammistöðu á Íslandsmótum ungmenna um helgina og fengu fimm Íslandsmeistaratitla, 4 silfur og 2 brons ásamt því að slá tvö Íslandsmet félagsliða.
Eowyn Marie Mamalias stóð upp úr með 3 af 5 Íslandsmeistaratitlum félagins og hlutdeild í báðum Íslandsmetunum. Ekki langt á eftir var nýliðinn Ragnheiður Íris Klein sem náði tveimur Íslandsmeistaratitlum.
Eowyn vann úrslitaleikinn í trissuboga kvenna U21 á móti Þórdís Unnur Bjarkadóttir úr Boganum 144-140. Freyja Dís Benediktsdóttir úr Boganum tók bronsið.
Eowyn og Þórdís mættust aftur í gull úrslitaleikinn í trissuboga U21 óháð kyni þar enduðu leikar með sigri Eowyn gegn Þórdísi 140-138. Kaewmungkorn Yuangthong úr Hróa tók bronsið.
Í félagsliðakeppni mætti Eowyn ásamt liðsfélaga sínum í Hróa Hetti Kaewmungkorn Yuangthong liði Bogans. Þar vann Hrói Höttur öruggann sigur 150-146. En Eowyn og Kaewmungkorn settu Íslandsmetin í trissuboga U21 félagsliða í bæði undankeppni með skorið 1129 og útsláttarkeppni trissuboga U21 með skorið 150.
Nýliði tvöfaldur Íslandsmeistari
Ragnheiður Íris Klein vann úrslitaleikinn í berboga kvenna U16 á móti Ásborgu Styrmisdóttur úr Aftureldingu 6-2. Ragnheiður tryggði sér sigurinn með glæsilegri sloka lotu þar sem hún skoraði fullkomið skor 10-10-10. Heba Kruger Hallsdóttir úr Boganum tók bronsið.
Á Íslandsmótum í bogfimi er einnig keppt um Íslandsmeistaratitil óháð kyni. M.a. svo þeir sem eru kynsegin geti einnig tekið þátt.
Ragnheiður sigraði þar í úrslitaleiknum, 6-2 gegn Ásborgu Styrmisdóttur úr Aftureldingu og hampaði því Íslandsmeistaratitlinum óháð kyni U16. Svanur Gilsfjörð Bjarkason úr Aftureldingu tók bronsið.
Verðlaunahafar úr Hróa Hetti
- Eowyn Marie Mamalias
- Íslandsmeistari trissuboga U21 kvenna
- Íslandsmeistari trissuboga U21 (óháð kyni)
- Ragnheiður Íris Klein
- Íslandsmeistari berbogi U16 kvenna
- Íslandsmeistari berbogi U16 (óháð kyni)
-
Bríana Birta Ásmundsdóttir - Silfur trissuboga U18 kvenna
- Silfur trissuboga U18 (óháð kyni)
- Kaewmungkorn Yuangthong
- Silfur trissubogi U21 karla
- Brons trissubogi U21 (óháð kyni)
- Dagur Logi Rist Björgvinsson
- Silfur sveigbogi U16 karla
- Jóhannes Karl Klein
- Brons trissubogi U21 karla
Verðlaunahafar í keppni félagsliða
- Íslandsmeistari trissuboga U21 félagsliða
- Kaewmungkorn Yuangthong
- Eowyn Marie Mamalias
- Brons trissubogi U21 félagsliða
- Theodór Karl Hrafns
- Jóhannes Karl Klein
Íslandsmet
- Íslandsmet trissuboga U21 félagsliða undankeppni 1129 stig
- Kaewmungkorn Yuangthong
- Eowyn Marie Mamalias
- Íslandsmet trissuboga U21 félagsliða útsláttarkeppni 150 stig
- Kaewmungkorn Yuangthong
- Eowyn Marie Mamalias
Ljósmyndir: Archery.is
