Átján nemendur úr 7. bekkjum grunnskóla Hafnarfjarðar tóku þátt í Stóru upplestrarkeppninni sem haldin var í Víðistaðaskóla 19. mars sl.
Fluttu nemendurnir brot úr skáldverkinu Hetju eftir Björk Jakobsdóttur í 1. umferð og ljóð úr bókinni 2. umferð eftir Braga Valdimar Skúlason í 2. umferð og ljóð að eigin vali í 3. umferð.
Greinilegt var að keppendur komu vel undirbúnir til leiks og lestur þeirra og framkoma var til fyrirmyndar sem gerði störf dómnefndar eflaust erfið en í dómnefnd voru: Björk Einisdóttir formaður, Anna Þorbjörg Ingólfsdóttir, Árni Sverrir Bjarnason og Vilhjálmur B. Bragason.
Auðunn Sölvi, Axel Høj og Gerður Lind í efstu sætunum
En að lokum komst dómnefndin að niðurstöðu og það var Auðunn Sölvi Hugason úr Setbergsskóla sem stóð uppi sem sigurvegari.
Í öðru sæti varð Axel Høj Madsson úr Áslandsskóla og í þriðja sæti varð Gerður Lind Pálmadóttir úr Lækjarskóla
Hr. Guðni Th. Jóhannesson, forseti Íslands, afhenti öllum keppendum bókaverðlaun en kynnir keppninnar var sem fyrr Ingibjörg Einarsdóttir.
Birta sigraði í smásagnakeppninni
Á meðan dómnefndin starfaði var kynnt úrslit í smásagnakeppni grunnskólanna en það er einnig árviss atburður og hafa Fjarðarfréttir birt verðlaunasöguna í jólablaði sínu.
Sigurvegari í ár var Birta Jóhannsdóttir úr 8. bekk í Öldutúnsskóla með sögu sína „Óþolandi óþol“.
Í öðru sæti varð Arnheiður Ísleif Ólafsdóttir í 9. bekk í Áslandsskóla með sögu sína „Ýsurnar í Hafnarfirði“, og í þriðja sæti varð Sunna Björk Magnúsdóttir í 9. bekk í Víðistaðaskóla með sögu sína „Bekkjarkvöld“.
Keppendur í ár voru:
- Aðalheiður V. Ragnarsdóttir, Engidalsskóla
- Andrea Laxdal, Hvaleyrarskóla
- Arnar Logason, Skarðshlíðarskóla
- Auðunn Sölvi Hugason, Setbergsskóla
- Axel Høj Madsson, Áslandsskóla
- Elma Kolbrún Bjarnadóttir, Víðistaðaskóla
- Eva Björk Sturludóttir, Víðistaðaskóla
- Gerður Lind Pálmadóttir, Lækjarskóla
- Guðrún Telma Steindórsdóttir, Hraunvallaskóla
- Hulda Þorradóttir, Lækjarskóla
- Klara Lýðsdóttir, Öldutúnsskóla
- Kolbrún Hilmarsdóttir, Áslandsskóla
- Lena Guðrún Birkisdóttir, Hvaleyrarskóla
- Nökkvi Leó Kristjánsson, Skarðshlíðarskóla
- Stormur Björnsson, Öldutúnsskóla
- Viðja Elísabet Magnúsdóttir, Engidalsskóla
- Þórey Eva Þórisdóttir, Hraunvallaskóla
Greinin var birt í 4. tbl. Fjarðarfrétta, 11. apríl 2024
Frítt Fjarðarfrétta-app í símann þinn!
Hægt er að sækja app í þinn síma í Play Store í Android símum og í Apps store í iOS símum. Frítt er að sækja appið og lesa Fjarðarfréttir!
