Kvennalið Hauka sigraði lið Fram í þriðja leiknum í röð í undanúrslitum úrslitakeppni í handknattleik þann 1. maí sl.
Leikinn unnu Haukar 27-23 og alla leikina örugglega.
Elín Klara Þorkelsdóttir var markahæst Hauka með 10 mörk og þær Inga Dís Jóhannsdóttir og Sara Katrín Gunnarsdóttir skoruðu 4 mörk hvor. Margrét Einarsdóttir varði 11 skot í marki Hauka.
Mæta Val í úrslitum
Haukar mæta Val í úrslitum úrvalsdeildarinnar en Valur sló lið ÍBV út í undanúrslitum.
Verður fyrsti leikurinn á Hlíðarenda fimmtudaginn 9. maí og hefst leikurinn kl. 17.
Haukar eiga svo heimaleik sunnudaginn 12. maí kl. 18 og þriðji leikurinn verður á Hlíðarenda fimmtudaginn 16. maí kl. 19.40.
