Múrbúðin á Selhellu 6 fagnar 5 ára afmæli sínu í þessum mánuði en að sögn Kára Lútherssonar framkvæmdastjóra er Múrbúðin verslun fyrir Hafnfirðinga sem vilja taka til hendinni.
„Við höfum flest allt fyrir viðhald húss og garðs og við höfðum sérstaklega fyrir einstaklinga en erum einnig með eitt besta úrval landsins af úrvals múrefnum fyrir fagfólk og einstaklinga“.
Kári segir verslunina vera í stöðugri þróun og að Hafnfirðingar hafi tekið versluninni mjög vel sem sé hvatning til að gera enn betur.
Þegar verslunin er skoðuð þá er greinilegt að Kári er ekki að ýkja því úrvalið er ótrúlegt og reyndar ljóst að fagmenn eiga líka þangað erindi enda ýmis sérverkfæri og efni sem höfða til þeirra.
Helstu einingar verslunarinnar er múrdeildin með gríðarlega gott úrval af vönduðu múrefni og miklu úrvali af sérverkfærum og fylgihlutum. Þá má nefna hreinlætistækjadeildina með öll tæki og lagnaefni, málningardeildina með vandaða málningu og málningaráhöld, verkfæradeildina með gríðarlega mikið úrval verkfæra, garðvörudeildina sem mikið úrval garðverkfæra, sláttuvéla og fl. fyrir garðinn og gólfefnadeildina með vandaðar vinsælar flísar og parket.
Kári segir fólk fá mjög góða vörur á mjög góðu verði og bendir á málninguna sem dæmi þar sem listaverð hjá þeim sé jafnvel lægra en afláttarverð hjá öðrum. Í mörgum verslunum er keyrt á miklum afslætti til fagfólks og einstaklingar greiða því oft allt of hátt verð svo hægt sé að gefa þennan mikla afslátt.
Fólk sækir í gæðavörur á góðu verði
Stefán Óskar Gíslason er verslunarstjóri á Selhellu og hefur hann eðlilega góða yfirsýn yfir úrvalið og getur leiðbeint fólki vel í leit sinni að réttu vörunni. Hann segir fólk sækja í gæðavörur á mjög góðu verði og nefnir ryðfríu pallaskrúfurnar sem gott dæmi.
Múrbúðin flytur inn vörur frá virtum framleiðendum og segir Kári að t.d. múrefni komi mest frá Þýskalandi, Skandinavíu og Austurríki, vörur sem er komin löng reynsla á.
Ómögulegt er að telja upp alla þá vöruflokka sem fást í múrbúðinni en meðal þess sem þeir Kári og Stefán bentu á er Trotec batterísverkfærin sem séu á frábæru verði og henti vel fyrir heimilin, gegnheilar frostþolnar flísar sem þeir mjög selji mikið af, öryggis- og hlífarfatnað, Atlas GTA málningarspartl sem rúllað er á og svo dreift úr með spaða. Þá voru þeir sérstaklega stoltir af góðu úrvali af sláttuvélum og garðverkfærum.
En sjón er sögu ríkari og Stefán og starfsfólk hans á Selhellunni tekur vel á móti viðskiptavinum.
