Stjórn VG í Hafnarfirði lýsir áhyggjum af stöðu jaðarsettra ungmenna í Hafnarfirði.
„Ljóst er orðið að ekkert verður af úrræðum fyrir þau á þessu hausti og alger óvissa ríkir um hvenær komið verður til móts við þarfir þeirra.
Flumbrugangur bæjaryfirvalda við að loka ungmennahúsinu Hamarnum bitnar á jaðarsettum ungmennum á borð við ungt fólk af erlendum uppruna, ungt fatlað fólk og ungt hinsegin fólk.
Þekkingin og traustið sem tapaðist við gerræðislegar uppsagnir starfsfólks ungmennahússins verður erfitt eða órgerningur að endurheimta.“
Þó nokkur umræða hefur verið í bæjarstjórn um þessi mál en VG á ekki fulltrúa í bæjarstjórn Hafnarfjarðar.
