Rósu sem skipar 4. sæti lista Sjálfstæðisflokksins í Suðvesturkjördæmi þarf vart að kynna fyrir íbúum kjördæmisins. Rósa hefur um langt árabil verið bæjarfulltrúi auk þess setið í skipulags- og byggingaráði, verið formaður fræðslu- og bæjarráðs og síðast en ekki síst verið farsæll bæjarstjóri í sjö ár.
Umbylting í rekstri
Miklar breytinga til góðs fyrir íbúa, fyrirtæki og þá ekki síst barnafjölskyldur, eldri borgara og fatlaðra hafa orðið í Hafnarfirði frá árinu 2014 þegar Sjálfstæðisflokkurinn undir öruggri forystu Rósu tók við meirihlutastjórn bæjarins. Frá kosningum árið 2014 til dagsins í dag hefur Rósa stýrt bænum með glæsibrag, reyndar er það svo að önnur sveitarfélög horfa til Hafnarfjarðar sem er leiðandi í mörgum málum. Má þar nefna fjármál bæjarins sem voru ekki á góðum stað þegar Sjálfstæðisflokkurinn undir stjórn Rósu tók við rekstrinum, í dag er bærinn á góðum stað er varðar skuldahlutfall og skuldaviðmið og reksturinn stöðugur sem sést best á stórbættri þjónustu við íbúa og þeirri miklu uppbyggingu sem á sér stað í bænum.
Kjósum Rósu
Frá árinu 2006 þegar ég hóf afskipti af pólitíkinni í Hafnarfirði höfum við Rósa unnið þétt saman að flestum málum er varða Hafnarfjörð. Allan þennan tíma hefur einlægur og brennandi áhugi á að gera gott samfélag betra verið einkennandi hjá Rósu. Forystuhæfileikar Rósu eru óumdeildir og ber mannlífið í Hafnarfirði þess merki að vel hefur verið haldið á málum í Hafnarfirði. Nú hefur Rósa gefið kost á sér til setu á alþingi, 4. sætið á lista Sjálfstæðisflokksins í Suðvesturkjördæmi verður baráttusæti og því mikilvægt að þau ykkar sem þekkið til verka Rósu kjósið Sjálfstæðisflokkinn þannig tryggjum við að áfram mun Rósa nýta hæfileika sína til gagns fyrir okkur, í þetta skiptið fyrir þjóðina alla.
Ó. Ingi Tómasson
Fyrrverandi bæjarfulltrúi Sjálfstæðisflokksins
