Hvatningarverðlaun Markaðsstofu Hafnarfjarðar voru afhent í fyrsta sinn í dag en Markaðsstofan var stofnuð á síðasta ári.
Það voru aðilar að Markaðsstofunni sem sendu inn tilnefningar sem voru tæplega 30 og eftir yfirferð stjórnarinnar stóðu eftir þrjú fyrirtæki.
Tilkynnti Karl Guðmundsson formaður stjórnar Markaðsstofunnar að ákveðið hafi verið að veita Íshúsi Hafnarfjarðar hvatningarverðlaunin að þessu sinni fyrir uppbyggingu lifandi miðstöðvar listamanna og hönnuða í gamla Íshúsinu.
Þá fengu þau tvö fyrirtæki sem höfðu fengið næst flestar tilnefningar viðurkenningar en það voru Annríki, þjóðbúningar og skart og Von mathús.
