Haukar léku fyrri leik sinn við Hollenska liðið Quintus á Ásvölum í dag í Evrópukeppni kvenna.
Þær hollensku höfðu frumkvæðið allan leikinn og voru yfir 14-11 í hálfleik. Þær fóru einnig vel af stað í síðari hálfleik en Haukar náðu að klóra í bakkann og voru minnst einu marki undir. En þegar um 19 mínútur voru eftir misstu þrjá leikmenn af velli á um mínútu. Það hafði þó ekki teljandi áhrif en undir lok leiksins náðu þær hollensku aftur góðu forskoti og sigruðu 29-26.
Ramune Pekarskyte var í sérflokki hjá Haukum og skoraði 12 mörk, flest í fyrri hálfleik.
Elín Jóna Þorsteinsdóttir stóð í marki Hauka og varði oft meistaralega en hún varði 14 skot.
Fámennt var á áhorfendapöllum en stemmningin góð enda leikurinn oft bráðskemmtilegur.
Síðari leikuinn verður á morgun sunnudag, á Ásvöllum kl. 18.
