Mikil læti voru í veðrinu þegar það náði hámarki hér í Hafnarfirði um hádegisbil. Lágsjávað var og því lítil hætta á sjávarflóðum en vindáttin var líka út úr höfninni. Ýmislegt lauslegt flaug um, ruslatunna og byggingatimbur á Ásbrautinni, auglýsingaskilti fuku á Haukasvæðinu, gangbrautarskilti fauk við Bæjarhraun en ekki er vitað um nein stór tjón í bænum.
Að sögn Guðjóns Steinars Sverrissonar verkstjóra hjá Hafnarfjarðarbæ höfðu óvenju fá símtöl borist fyrir hádegið en ekki væri farið út nema hætta væri á ferð.
Ástjörnin var eins og stjórsjór á tímabili og fólk hélt sig innandyra. Veðrinu slotaði mikið strax upp úr hádeginu.
