Um klukkan níu í morgun skullu saman lítil fólksbifreið og all stór sendibifreið á Reykjanesbraut við kirkjugarðinn. Voru báðir bílarnir að koma úr suðurátt þar sem er tvöföld akrein og vegrið á milli akreina.
Óljóst er með hvaða hætti áreksturinn hefur orðið en ljóst að fólksbifreiðin hefur bæði skollið á vegriðinu og á hlið sendibifreiðarinnar.
Engin slys urðu á fólki og litlar tafir á umferð. Var mesta morgunumferðin búin og umferð var nokkuð greið um aðra akreinina.
Uppfært:
Vitni óskast
Árekstur.is óskar eftir vitnum að árekstrinum. Sérstaklega er leitað að litlum hvítum sendiferðabíl sem ók þar um á þessum tíma. Vitni eru beðin um að hafa samband við Árekstur.is í síma 578 9090 eða á arekstur@arekstur.is.
