Hrafnhildur Lúthersdóttir var rétt í þessu að vinna sinn fjórða Íslandsmeistartitil á tveim dögum á Íslandsmeistaramótinu í sundi í 25 metra laug sem stendur nú yfir í Laugardalslaug.
Tvö verðlaun í dag
Hrafnhildur vann 100 metra fjórsund á tímanum 01:01,07 og 200 metra bringusund á tímanum 02:32,69. Hrafnhildur á einmitt Íslandsmetin í báðum þessum greinum. 200 metra bringusundi á tímanum 02:22,69 og 100 metra fjórsund á tímanum 01:00,31.
Tvö verðlaun í gær
Hrafnhildur vann í 100 metra bringusundi og 200 metra fjórsundi í gær. Bringusundið var á tímanum 1:07.90 og fjórsundið á tímanum 2:16.84. Hrafnhildur á líka Íslandsmetin í þessum greinum. 100 bringusund á tímanum 01.05.67 og 200 metra fjórsund á tímanum 02.11.57.
Eitt sund eftir
Hrafnhildur á eftir að keppa í 50 metra bringusundi sem fram fer á morgun.
