Skrautbúnir krakkar voru víða á ferðinni í Hafnarfirði í dag, öskudaginn. Gengu þeir í fyrirtæki, sungu og þáðu góðgerðir fyrir þar sem slíkt var í boði.
Í Firði var kötturinn sleginn úr tunnunni þó enginn væri kötturinn né tunnan. Sælgæti hafði verið komið fyrir í sérútbúnum pappakassa sem þoldi barsmíðar krakkanna um tíma en svo varð hann undan að láta og krakkarnir flykktust að sælgætinu.
Margir höfðu lagt mikið í búninga og greinilegt að dagurinn vekur upp barnið í foreldrum sem hjálpa til við búningagerðina.
Ljósmyndari Fjarðarfrétta leit við í bænum og tók meðfylgjandi myndir.
