Íbúafundi um fjárhagsáætlun Hafnarfjarðarkaupstaðar, sem vera átti í kvöld, þriðjudag 26. nóvember, hefur verið frestað til mánudagsins 2. desember án nokkurrar skýringar.
Fjárhagsáætlun Hafnarfjarðarbæjar fyrir árið 2025 auk þriggja ára áætlunar fyrir árin 2026-2028 var fyrst lögð fram á fundi bæjarstjórnar 6. nóvember sl. þar sem fyrri umræða fór fram. Skv. sveitarstjórnarlögum er skylt að hafa tvær umræður í bæjarstjórn um m.a. fjárhagsáætlun. Gert er ráð fyrir að seinni umræða og afgreiðsla fjárhagsáætlunar í bæjarstjórn verði þriðjudaginn 3. desember 2024, aðeins tveimur dögum eftir kynningarfundinn.
Í tilkynningur á vef Hafnarfjarðarkaupstaðar segir að á fundinum verði fjárhagsáætlun og markmið hennar kynnt ásamt helstu áherslum hennar.
Íbúafundurinn verður í Apótekinu í Hafnarborg og hefst kl. 17.
