Bókasafn Hafnarfjarðar stendur fyrir upplestrarkvöldum í kvöld og á morgun sem hefjast kl. 20.
Í hönd fer tími jólabókakvölda í bókasafninu, pallborða, upplesturs og yndislegheita með lifandi tónlist og veitingum skv. upplýsingum Unnar Helgu Möller upplýsingafulltrúa Bókasafns Hafnarfjarðar.
Arndís Þórarinsdótttir bókmenntafræðingur verður á staðnum og stýrir umræðum og upplestri en takmarkaður sætafjöldi er vegna sóttvarnarreglna og því verður viðburðunum streymt.
Í kvöld, 1. desember, mæta:
Hallgrímur Helgason – Sextíu kíló af kjaftshöggum
Ingólfur Eiríksson – Stóra bókin um sjálfsvorkun
Jónína Leósdóttir – Launsátur
Annað kvöld, fimmtudaginn 2. desember, mæta;
Eiríkur Örn Norðdahl – Einlægur Önd
Kamilla Einarsdóttir – Tilfinningar eru fyrir aumingja
Sigrún Pálsdóttir – Dyngja
