„Týndi sonur Hafnarfjarðar“ Dan Van Dango mun halda sýna fyrstu og mögulega síðustu og jafnframt margfalda útgáfutónleika á Ölstofu Hafnarfjarðar á morgun, föstudag. Á bak við nafnið er Hafnfirðingurinn Karl Gunnar Jónsson.
Rjómi hafnfirskra hljóðfæraleikara verða í föruneytinu, Gísli Árnason á bassa, Hlynur Johnsen á hljóðgervla og Flóki Árnason heldur uppi taktinum, allt fyrrum liðsmenn epísku hafnfirsku hljómsveitarinnar Dallas en Karl Gunnar lék einnig með henni.
Eftir sigurgöngu plötunar Hættulegir menn kom út fljótlega á eftir breiðskífan Blautur Grautur sem eru nú báðar fáanlegar á vínyl.
Dan Van Dango gaf út fyrstu EP skífuna 2006 Kveðjur að handan, styttist í 20 ára afmæli.
Síðan hafa komið út skífurnar:
- Svangur og Kaldur (2010)
- Yfir áhrifum (2017)
- Lægð yfir landinu (2018)
- Hættulegir menn (2022)
Blautur Grautur mun vera aðgengilegasta efnið hingað til þar sem Dan leitar til baka til rótanna.
Frítt verður inn á tónleikana sem hefjast kl. 21, en útgöngumiðar verða í boði fyrir þá sem vilja.
