Fyrstu fermingar vorsins verða í Ástjarnarsókn á laugardaginn en þá verða fermd 19 börn í Víðistaðakirkju. Ný kirkja safnaðarins verður tekin í notkun á árinu og þá verða fermingar í eigin kirkju.
Alls verður 331 barn fermt í kirkjum Hafnarfjarðarbæjar í vor. Er það tæplega 90% af öllum þeim börnum í bænum sem verða 14 ára á árinu.
Langflest börn fermast í Fríkirkjunni, alls 153 börn en fæst börn fermast í St. Jósefskirkju, 14. Annars er skiptingin þessi:
- Fríkirkjan í Hafnarfirði: 153
- Hafnarfjarðarkirkja: 95
- Ástjarnarkirkja: 37
- Víðistaðakirkja: 32
- St. Jósefskirkja: 14
