Alls hefur brunnið á um 6,7 ha svæði (67 þúsund fermetrar) í landi Óttarsstaða.
Slökkvilið með aðstoð björgunarsveita og fl. voru fram á nótt að slökkva í sinubrunanum sem hafði breiðst nokkuð hratt út frá því hann kviknaði um kl. 13 í gær.
![](https://www.fjardarfrettir.is/wp-content/uploads/Ottarsstadir-loftmynd-samsett-GG-1024x961.jpg)
Hafði tekist að forða öllum byggingum frá bruna og þá helst Óttarsstöðum eystri og vestari og Eyðikoti sem í dag er íbúðarhús. Eitt fjárhús sem var orðið mjög lúið varð eldinum að bráð.
![](https://www.fjardarfrettir.is/wp-content/uploads/Ottarsstadir-sinubruni-Omar-11-1024x683.jpg)
Í morgun var ennþá eldur vestast á svæðinu í gjótum og stekk við Hádegishól auk þess sem reyk lagði frá svæðinu um 260 m SV frá stekknum. Virtist eldurinn vera staðbundinn enda næstum logn á svæðinu. Stekkurinn þar sem mesti reykurinn sást er um 1.300 metrum frá vegarslóðanum að Lónakoti og litlar líkur á að eldurinn næði þangað.
![](https://www.fjardarfrettir.is/wp-content/uploads/Ottarsstadir-sinubruni-Omar-29-1024x683.jpg)
Á ellefta tímanum í morgun var enginn við slökkvistörf en um kl. 11 kom slökkvibíll og bílar með dælur á svæðið og ætlunin var að freistast til að slökkva í öllum glæðum.
![](https://www.fjardarfrettir.is/wp-content/uploads/Straumur-uppdrattur-2020-II-1024x723.jpg)
Miklar minjar eru á þessu svæði enda var blómleg byggð þarna fyrr á öldum og fróðlegar heimildir um búskap fyrri ára.
![](https://www.fjardarfrettir.is/wp-content/uploads/Ottarsstadir-yfirlit-sinubruna_013-1024x683.jpg)
![](https://www.fjardarfrettir.is/wp-content/uploads/Ottarsstadir-yfirlit-sinubruna_018-1024x683.jpg)
![](https://www.fjardarfrettir.is/wp-content/uploads/Ottarsstadir-yfirlit-sinubruna_043-1024x683.jpg)
![](https://www.fjardarfrettir.is/wp-content/uploads/Ottarsstadir-sinubruni-Omar-13-1024x683.jpg)
![](https://www.fjardarfrettir.is/wp-content/uploads/Ottarsstadir-sinubruni-Omar-34-1024x683.jpg)
![](https://www.fjardarfrettir.is/wp-content/uploads/Ottarsstadir-sinubruni-mars-2023-pan-18-1024x704.jpg)